Pingdom Check

Flugflotinn okkar

Frá árinu 2008 óx flugfloti okkar úr 10 Boeing 757-200 og einni 757-300 vélum, í 23 757-200 og eina 757-300 árið 2015. Árið 2016 bættust svo tvær Boeing 767-300 breiðrþotur í flotann - og tvær til viðbótar árið 2017. Með því er flotinn kominn í 29 vélar.

Eftir að 16 737 MAX 8 og 9 vélar bætast í hópinn – en þær fyrstu munu koma til landsins snemma árs 2018 – verður flugfloti Icelandair sérstaklega vel til þess fallinn að þjónusta bæði Evrópu og Norður-Ameríku um einstaka staðsetningu okkar á Íslandi.

Boeing 767-300 ER

Vorið 2016 bætti Icelandair tveimur Boeing 767-300 vélum við flugflotann. Þessar vélar eru stærri en 757-vélarnar, þær rúma fleiri farþega og hafa meiri flugdrægni og henta því eins og best verður á kosið á löngum flugleiðum án millilendingar.
Lesa nánar

Boeing 737 MAX

Í febrúar árið 2013 lagði Icelandair Group lokahönd á samninga um pöntun á sextán Boeing 737 MAX 8 og MAX 9 flugvélum jafnframt því sem samið var um kauprétt á átta vélum til viðbótar. Vélarnar munu bætast við flugflota Icelandair á árunum 2018-2021, en í dag samanstendur hann af 757 og 767-vélum. Gert er ráð fyrir fyrsta 737 MAX-vélin verði afhent snemma árs 2018.
Lesa nánar

Boeing 757-300

Boeing 757-300 er lengd útgáfa af 757-200 gerðinni. Hún er tveggja hreyfla með einum gangi á milli sætaraða eins og 757-200, en bolurinn hefur verið lengdur framan og aftan við vængina.
Lesa nánar

Boeing 757-200

Boeing 757 er meðalstór, tveggja hreyfla flugvél með einum gangi á milli sætaraða sem hentar vel á stuttum og meðallöngum flugleiðum. Langflestar vélar í flota Icelandair eru af gerðinni 757-200 og nú eru 25 slíkar vélar í notkun hjá félaginu.
Lesa nánar

Flugdrægni flugflotans

Boeing flugvélar Icelandair henta frábærlega vel til flugs til meira en 40 áfangastaða í Evrópu og Norður-Ameríku. Flugdrægni einstakra gerða er mismikil en mesta flugdrægni hafa 767 vélarnar.

About-fleet-range.jpg

Vatnajökull - fyrsti fljúgandi jökullinn

Við kynnum til sögunnar svölustu vél flotans: Vatnajökul. Vélin var handmáluð í tilefni af 80 ára afmæli Icelandair og sækir innblástur í konung íslenskra jökla sem gnæfir yfir suðaustur horninu.
Lesa nánar

Hekla Aurora

Hekla Aurora er flugvélin Hekla í norðurljósabúningi. Hún flýgur með norðurljósin yfir Atlantshafið alla daga, allan ársins hring.
Lesa nánar